Ḫiṭāb bā-ʿAḳl-ı Feyyāż
Merḥabā ey Hüdhüd-i şehr-i Sebâ / Merd-i her iḳlīm-i vādī merḥabā
Sen Sebā şehrine ḳılmışsın sefer / Andan olduŋ ḳuşlar içre tācver
Bilmede ḳuşlar dilin üstādsın / Ṣāḥib-i taʿlīm ü hem irşādsın
Hem Süleymān ile olduŋ rāzdār / Dīv-i nefsi ḥabs idüp ḳıl zār zār
Dīvi ger ḥabs itdüŋ ey ehl-i yaḳīn / Bil Süleymān ile olduŋ hem-nişīn
Ḫiṭāb bā-Mūsīçe
Merḥabā mūsīçe-i Mūsī-ṣıfat / Meskenüŋi eyle Ṭūr-ı maʿrifet
Eyle mūsīḳārdan bir zemzeme / Çün bilürsün kim irişmez demdeme
Çünki sensin murġ-ı mūsīḳī-şinās / Bir ṣadā ḳıl göŋlümüzde ḳoyma pas
ʿAzm-i Ṭūr-ı himmetüŋ Mūsīcedür / Lā-cerem ismüŋ senüŋ mūsīçedür
Dimegil Mūsī gibi ānestü nār / Nārdan geç nura baḳ ey merd-i kār
Ḳoy bu Firʿavn-ı behīmi ẕāta gel / Merd-i Ṭūr ol vaʿde-i mīḳāta gel
Pes kelām-ı bī-zebānı aŋla bil / ʿAḳlsız fehm it ḳulaḳsız gūş ḳıl
Müstensih: Müellif Hattı (Fedâyî Mehmed Dede)
İstinsah tarihi: 1047 Şevvâl (1638 Şuabt/Mart)
Antepli Fedâyî Mehmed Dede (ö.1065/1655)
Yorumlar
Yorum Gönder