[mef'ûlü fâilâtü mefâîlü fâilün]
1. ‘Aşk âteş-i tecellî-i Mansûr‘dur baňa
Her çȗb-ı dâr bir şecer-i Tȗrdur baňa
2. Ol serv-i gül-fürûş-ı tecellî-i cilveden
Her naḫl-i âh bir şecer-i Tur’dur baňa
3. Semt-i belâda bellemişim dâr-ı vahdeti
Seng-i nişân minâre-i Mansûr’dur baňa
4. Teb-lerze-zâd o gevher-i ġalṭân-ı ġurbetim
Mihr-i ṣadef ṣabâḥ-ı Nişâbȗr’dur baňa
5. Rehdân-ı ġaybum öyle ki ‘ankâ-yı vahşetüň
‘Arż-ı refâķat itdigi meşhȗrdur baňa
6. Gȗyâ ḫayâl-i ḫaṭṭ-ı lebüňle müjemde ḫȗn
Bâġ-ı vefada ṭûṭî-î zenbûrdur baňa
7. Çekmem ḫumâr-ı Çîn-i cebîn sergüẕeşt-i Cem
Naķş-ı gül-i piyâle-i faġfȗrdur baňa
8. Baķmaz ṣafâ-yı sâġar-ı zerrîne mest-i ‘aşķ
Kîmyâ-yı ‘ayn o nergis-i maḫmȗrdur baňa
9. Ṣad mîḫ-i tîr-i hicrle bu sîne-i ḫarâb
Meşķ-i fiġâna taḫta-i sanṭûrdur baňa
10. Baġlandı târ-ı kâküline naġme-i cünȗn
Zencîrler terâne-i ṭanbȗrdur baňa
11. Ķanlar aķar ‘aceb ki bu çeşm-i sefîdden
Ḫȗnâbe-ḫîz o çeşme-i kâfȗrdur baňa
12. Mânend-i jâle sâlik-i meczûb-ı ‘aşķıyım
Ġâlib dimem ki şems-i Ḫudâ dȗrdur baňa
İstinsah Tarihi: 1792
Müstensih: Ahmed Yusrî
Yorumlar
Yorum Gönder