 |
| Ahmedî Divanı (Vatikan Ktp., Turco, nr. 196: 85b) |
1 Zi muhlisler yiridürür hârâbat / Ki yoh anda riyâ vü zerk ü tâmât
2 Kamu yohlıhdurur üftâdalıhdur / Hakîkatde budur hod asl-i tâ'at
3 Çü gönlünde eser yoh meskenetden / Dilünde ne gerek bunca makâlât
4 Elünde sübha dutarken ne hâcet / Dilün gönüllere urmak cerâhât
5 Yig ol kim yatasın bî-hod mey içüp / Ki hod-bînlığıla idesin ibâdât
6 'İbâdetde sevâb isdeme ki_olmaz / Ganî-yi Mutlakun işi mükâfât
7 Seni terk eyle kim anı bulasın / Ki et-tevhîdü iskâtü'l-izâfât
8 Unut encâmı sun ol câmı sâkî / Ko te'hîri ki fi't-te'hîri âfât
9 Yir ü gök Ahmedî çün kim onundur / Nedür meyhânede_olmaz mı münâcât
İstinsah tarihi: 857 Ramazan (1457)
Yorumlar
Yorum Gönder