Matla'-ı Dâsitân: Pâdişâh-ı Zü'l-Karneyn [Ahmedî, İskendernâme]

[11a]

[1] Maṭlaʻ-ı Dâsitân-ı Pâdişâh-ı Ẕülḳarneyn

[2] Söylegil ey bülbül-i şîrîn-zübân / Ḥayf ola kim gizlü ola bu beyân

[3] Kâm-ı cân lafẓuŋdan olur pür-şeker / Olma pes ḫâmûş iy murġ-ı naġme-ger

[4] Kim gele ḫâmûşlıġa daḫı zamân / Virmedi kimseye virmez çarḫ emân

[5] Kim başarmışdur bu tîre ḫâk-ile / Kim başa çıḳmışdur eflâk-ile

[6] Nûş-ı dârû diyü virdügi bu dehr / Bî-gümân ol nîş-i cândur belki zehr

[7] Yidi başlu ejdehâ durur cihân / Bir nefes kimseneye virmez emân

[11b]

[1] Niçeler bizüm diyü bu şarḳ u ġarb / Ejdehâvü dîv-ile eyledi ḥarb
[2] Niçeler benüm diyü bu bezmügâh / İs ü cinn-ile düzetdi resmigâh
[3] Niçeler ârâyiş itdi taḫt-ı ʻâc / Niçeler yâḳûtdan düzetdürdi tâc
[4] Ol ḳamudan ḳalan uş efsânedür / Mülk-i Allâh’uŋ ki câvidânedür
[5] Mülk mi olur k’ânı ḳoyup gideler / Ayruġa ḳalası mülki nideler
[6] Bu söz üzre bir ḥikâyet eydeyim / Ehl-i dânişden rivâyet eydeyim
[7] Ol zamânda Îrân’a Dârâ’ydı şâh / Dilegince seyr iderdi mihr ü mâh

Müellif ve Eser: Ahmedî, İskendernâme, 11a-11b
Müstensih: Kemâl Abdullah Karamânî
İstinsah Tarihi: 1486