1. Yine zevraḳ-ı derûnum ḳırılup kenâre düşdi
Ṭayanur mı şîşedür bu reh-i sengsâre düşdi
2. O zamân ki bezm-i cânda bölüşildi kâle-i kâm
Bize ḥiṣṣe-i muḥabbet dil-i pâre pâre düşdi
3. Gehi zîr-i serde desti ki ayaġı ḳoltuġında
Düşe ḳalḳa ḫaste-i ġam der-i luṭf-ı yâre düşdi
4. İrişüp bahâra bülbül yeŋilendi ṣoḥbet-i gül
Yine nevbet-i taḥammül dil-i bî-ḳarâre düşdi
5. Ser-i burc-ı ʻârıżında göŋül oldı ḫâle mâil
Baŋa kendi ṭâliʻimden bu siyeh sitâre düşdi
6. Süzilüp o çeşm-i âhû didi zevḳ-ı vaṣla yâhû
Bu degildi niyyetüm bu yolum intiẓâre düşdi
Yorumlar
Yorum Gönder